Kooxda Asmara oo ku
dhawaaqday in muddo bil gudaheed ay dalka uga saari doonaan Xoogaga
Ethiopia.
Muqdisho, 11-Sept-2007@[Baardhere.com Kooxaha ka soo horjeeda
Dowladda Federaalka ee shirka uga socda magaalada Asmara ee dalka Eritrea ayaa
sheegay in muddo bilo ah gudaheed ay ciidamada Itoobiya uga saarayaan dalka
Soomaaliya.
Afhayeen u hadlay kooxadaas oo lagu Magacabo Zakariye Maxamuud Xaaji Cabdi
ayaa sheegay in waxa uu ugu yeeray xoogagga xoreynta ee ka dagaalamaya
Soomaaliya in ay soo xoogeysanayaan maalinba maalinta ka dambeysa.
Magaalada Asmara ee dalka Ereteriya waxaa ku sugan hoggaamiyaal fara badan oo
ka soo horjeeda joogitaanka Ciidamada Itoobiya Soomaaliya.
Lama oga awooda ay kula dagaalamayaan kooxda Itoobiya taageersan ee hadda
Maamulka dalka gacantooda ku jira halka ay ka keeni doonaan maadama Ereteriya
xuduud la lahayn Soomaaliya.
Waxa uu sheegay in ay sameyn doonaan talis dhexe marka ay dhisaan urur ay ku
mideysan yihiin.
|
Sarkaal ka tirsan hay’adda WHO oo
maanta lagu dilay magaalada Caabudwaaq
|
|
|
September 11, 2007
007@[Baardhere.com] Sarkaal sare oo
ka tirsan hay’adda WHO ayaa lagu diley magaalada Caabdu waaq ee gobolka G/gaduud
ee bartamaha waddanka Somalia.
Sida aan ka soo xiganey shabakada MarkaCaddey,
Sarkaalkan oo lagu magacaabi jirey Faarax Warsame ahaana wakiilka hay’adda
WHO ee howlaha talaalka ugu qaabilsanaa magaalada Caabud Waaq ayaa waxaa
toogasho ku diley kooxo hubeysan abaaro 11:30 barqanimo, xilli uu soo
xirayey olole talaal oo soconayey muddo seddex maalmood ah.
Sida ay ku warameen Dadka deegaanka, dilka sarkaalkan ayaa waxa uu la
xiriiraa aano qabiil, waxana uu sababey in xiisado ay ka dhalato magaalada
Caabud waaq taasoo ku aaddan dilka sarkaalkani.
Sarkaalkan ayaa xilligii dilkiisa uu dhacayey waxaa la socdey saraakiil kale
oo ka tirsan hay’adda QM u qaabilsan dhinaca caafimaadka WHO.
Meydka sarkaalkan ayaa waxa durba halkaasi ka qaadey eheladiisa, iyadoo isla
maanta loo diyaarinayo in lagu aaso magaalada Caabud waaq.
Dadka magaalada Caabud waaq ayaa wal wal ka muujiyey dilka sarkaalkaasi oo
ay ku tilmaameen in uu yahay wax laga xumaado.
Sarkaalkani ayaa 4tii sano ee laga soo gudbey waxa uu wakiil u ahaa ururka
caafimaadka adduunka (WHO) magaalada Caabud waaq,iyadoo dadka deegaankuna ay
ku tilmaameen marxuumka la diley in uu ahaa qof shaqsiyad wanaagsan lahaa.
|
Abdiaziz Hassan Mohamed (Golf)
BMC: Muqdisho, Somalia
webmaster@baardhere.com
|